Te Tahua Raukaha o He Ara Whakahihiko

Te whāinga o te tahua

Ko te whāinga o Te Tāhua Raukaha o He Ara Whakahihiko he:

• whakapiki i te māramatanga o te whai wāhi o te rangahau pūtaiao* ki ngā wawata o ngā whakahaere Māori me te whai hua ki a Aotearoa, me te aro anō ki te whakapiki i te tipuranga ōhanga, te pānga, te whakatinanatanga me ngā rangapūtanga, ā, me te
• whakapakari i te mātau, te raukaha, ngā pūkenga me ngā whatunga i waenga i te Māori me te pūtaiao, te auaha me te pūnaha hangarau

*Whakamārama o te pūtaiao: Ko te pūtaiao te whāinga me te whakatinanatanga o te mātauranga me te māramatanga o te ao tūroa me te ao pāpori, mā te whai i tētahi kawa rangahau nahanaha i poua ki ngā taunakitanga.

Ko tā te Tahua Raukaha o He Ara Whakahihiko he haumi ki:

• ngā huarahi pāpātanga ki te rangahau, me te aro ki te whakamana i te arumoni me ngā putanga ka whakanui i te tipuranga ōhanga mai i te rangahau.
• te whanaketanga o ngā tāngata me ngā rōpū whai pūkenga ka whakarite ki te mahi rangahau ka whakatairanga i ngā putanga ōhanga, tae atu ki ngā putanga taiao, me ngā hua ōhanga mārama.

Te pūtea e wātea ana

He āhua $8.6 miriona (hāunga te GST) e wātea ana ki te tautoko i ngā marohi angitu i te huringa haumitanga o te Tahua Raukaha o He Ara Whakahihiko 2027.  E wātea ana tēnei pūtea i ngā kauapapa e 2: Te Rangapū Rangahau me te Ara Whaihua.

Ara Whaihua (Ngā huarahi pāpātanga mō te kaupapa rangahau)

Ka arotahi a Ara Whaihua ki te rangahau pūtaiao kua rite kia whakatinanahia, kaua ko te tūhura. Ka haumi ki ngā hōtaka mahi o te 12 marama te roa me te aro nui ki te arumoni me te whakatairanga i te tipuranga ōhanga i ahu mai i te pūtaiao.

Ngā marohitanga angitu o Ara Whaihua

Rangapū Rangahau (Te Hōtaka Hononga Rangahau)

Ka haumi ake a Rangapū Rangahau ki ngā hōtaka mahi, e 2 tau te roa, e whakapakari ana i te mātau me ngā whatunga mā te tuitui hononga hou i waenga i ngā whakahaere Māori me te pūnaha pūtaiao, auaha me te hangarau.

Ngā marohitanga angitu o Rangapū Rangahau

Kauhaurangi o Te Tahua Raukaha o He Ara Whakahihiko (HAWCF) Huringa 2027

Ka whakahaeretia he kauhaurangi hei te 17 o Hune i te 1pm. Tēnā rēhita mai ki te hononga, ka tūhono mai ki te rapu i ngā whakamahuki mō te huringa haumitanga 2027.

Rēhita ki konei(external link)

He Ara Whakahihiko Capability Fund 2027 Investment Round(external link) — Gazette Notice