Ngā kaiwhakarato aunoa hou o KiwiSaver - He pārongo mō ngā mema o KiwiSaver

Inakuanei i pānuitia ai e te Kāwanatanga ētahi kaiwhakarato hou o ngā tahua aunoa o KiwiSaver hei whakapiki i te oranga ahumoni o ngā mema aunoa o KiwiSaver kua tāoki i te mahi.

He aha ngā tahua aunoa o KiwiSaver?

Ka whakaurua aunoatia ki tētahi ‘tahua aunoa’ te hunga kāore e kōwhiri i tētahi tahua KiwiSaver i te wā e tīmata ai rātou ki te mahi, ā, kāore anō hoki rātou kia tū hei mema nō KiwiSaver. Mā te Kāwanatanga e kōwhiri ngā kaiwhakarato o ngā tahua aunoa.

Ko wai ngā kaiwhakarato hou o ngā tahua aunoa?

Ngā kaiwhakarato ināianei Atu i te 1 o Tīhema, i te tau 2021
BNZ BNZ
Booster Booster
BT Funds (Westpac) BT Funds (Westpac)
Kiwi Wealth Kiwi Wealth
AMP Simplicity
ANZ Smartshares (NZX)
ASB  
Fisher Funds  
Mercer  

Ka aha ngā kaiwhakarato hou?

Atu i te 1 o Tīhema, i te tau 2021 ka whakarato ngā kaiwhakarato hou i ētahi tahua aunoa.

Ko te āhua tēnei o ngā tahua aunoa:

  • Ka haumi i tētahi tahua whārite, kaua i tētahi tahua tūpato. Ka nui ake ngā rawa tipuranga i ngā tahua whārite. Nā reira, he kaha ake te tūpono o ngā hua haumitanga pakari ake i roto i te wā roa.
  • Ka iti iho ngā utu, nā reira ka nui ake te pūtea i roto i tō tāhua KiwiSaver.
  • Kāore e haumi i te whakaputanga o ngā koranahe, o ngā patu turekore.

He aha te pānga o tēnei ki a au?

Ka pā noa iho ēnei panonitanga ki ngā mema aunoa, arā, ki ngā tāngata e whai ana i a KiwiSaver kāore anō i kōwhiri noa i ā rātou ake tahua.

Mehemea he mema aunoa koe, ka nekehia o pūtea KiwiSaver ki tētahi tahua whārite (i tētahi tahua tūpato) ā muri i te 1 o Tīhema. Ehara i te mea me mahi koe i tētahi paku aha. Mehemea e hiahia ana koe ki te noho tonu i tētahi tahua tūpato, ahakoa te take, whakapā atu ki tō kaiwhakarato.

Mehemea he mema aunoa koe, ā, kāore anō koe kia whai i tētahi o ngā kaiwhakarato hou, ka whakawhitia aunoatia koe ki tētahi kaiwhakarato hou ā muri i te 1 o Tīhema. Mā Te Tari Tāke e tuku atu tētahi mōkihi mōhiohio kia nekehia koe. Ehara i te mea me mahi koe i tētahi paku aha. Ki te kore koe e hiahia kia nekehia koe, ahakoa te take, whakapā atu ki tō kaiwhakarato.

Mehemea nāu tāu ake tahua, kaiwhakarato KiwiSaver rānei i kōwhiri, kāore ngā panonitanga e pā ki a koe. Ka wātea koe ki te whai i tētahi tahua aunoa ā muri atu i te 1 o Tīhema.

Ehara taku kaiwhakarato KiwiSaver i tētahi o ngā kaiwhakarato hou. He aha te tikanga o tēnei?

He nui ngā kaiwhakarato KiwiSaver ehara i te kaiwhakarato aunoa. Me whai ngā kaiwhakarato KiwiSaver katoa i ētahi ture pākaha, ā, kua whai raihana rātou, e aroturukihia ana hoki rātou e te Financial Markets Authority.

Ki hea kite ai au ētahi atu mōhiohio?

E mōhiotia ai me he mema aunoa koe, whakapā atu ki tō kaiwhakarato KiwiSaver.

E mōhiotia ai ko wai tō kaiwhakarato KiwiSaver, takiuru ki myIR, waea rānei ki IR.

Me pēhea au e mōhio ai mehemea kei te hāngai taku tahua KiwiSaver ki ōku hiahia?

Ahakoa kua roa pea koe e whai ana i a KiwiSaver, kāore pea i te tika tō tahua. Me titiro ka tika. E kite ai koe i ētahi atu mōhiohio mō KiwiSaver, e āwhinatia ai hoki koe ki te kōwhiri i tētahi tahua e tika ana māu, whakamahia te taputapu kimi tahua kei:

sorted.org.nz(external link)

Last updated: 17 May 2021